ඇරඹුමක කොටස්කරුවෝ

මුහුණු පොතේ, Thoughts From Heart මුල්ම " සහෘද නිර්මාණ පිටුව" සිතුවිලි වලින් හැඩ කළ අපේ මිතුරෝ ...

සැඳෑව
*********
කුර ගගා ගෙට ඇදෙන
සිහිල මුසු මද පවන
වළා රත් පැහැ කරන
නිශා යම හේඩාව
කිචිබිචිය කළබලය
නිහඬ වන රේඛාව
තරු ඉහෙන හඳ පිපෙන
ගොළුවත පිරෙන සේයාව
කඳු මුවාවෙහි ඇ‍ඳෙන
ඉර නිදන හෝරාව.
_________
*නිලිකා*

තුරු වියනෙ හැපි හැපි
කිති කවා තුරුපත් පෙති දෙපෙති
එහෙ මෙහෙ කරන්නේ සුළග අතු ඉති
නෙතු යොමා බලන්නැයි නිල් අහස දෙස
වැසී තුරු වියනෙන් සැගව ඇති ..
හරියටම කිව්වොත් ඒ අහස
නුඹෙන් සගවන මගෙ හිතට සම ඇති..

__________ තරුෂි සිරිගම්පල ..

හුස්ම අරන් යන තරමට
ආදරෙ දෙන්නේ ඇයිදැයි
ඔය නෙතු අද්දරට ඇවිත්
අහන් ඉන්න මට ආසයි.....

පුංචිම චූටිම දේටත්
දෙනෙත් බොදව රූරා වැ‍ටෙන
කදුළැලි හිතුවක්කාරයි
කියා දෙන්න මට පුදුමයි..........

හෙමින් ඇවිත් මුහුණ තියන්
ආදර හුස්මක උණුසුම
විදින්න ඔය පපුතුර ම‍‍ට
ලැබෙන දිනය තව ඈතයි........

නුඹෙ දෑසින් ලොව දකිනා
නුඹෙ හුස්මෙන් දිවි ලබනා
ඔය සෙනෙහෙන් එපිට ලොවක්
"සුදු අම්මි" ට නැත ඇත්තයි......

_____ නෙතුහෂිණි සංජනා ..

පියෙකු නැති පුතුට
මවක් වූ නුඹ
පෙම් කලේ මට
දෙවෙනි වරටත්
බඹර තුඩු වල
පහස නොදැනද...

ලැගුම්හල් කුටිය තුළ
ඉතිර ගිය කිරි සුවඳ
පැරද ගිය රාග ගින්නට
රැවටුනිද ඔබ
දෙවෙනි වරටත්
සල්ලාල සෙනෙහසට....
__ සුදේශ් අමිල ..